Форум
Max1mum – Қазақстан рэпіндегі ең БАТЫЛ баттл-рэпер. Бұл бос сөздер емес, себебі қоғамның пікірінен қорқатын босбелбеу адам альбомының атын «Сен бе Пид*раздың баласы?» деп қоймас еді. Осы аталмыш альбомымен біреудің сүйіспеншілігіне ие болса, біреудің ашу-ызасына тиді. Қанша дегенмен тыңдарманның ықыласына ие болды. Қазіргі рэпер көп заманда сол көп рэперлердің арасынан сытылып ерекшелену өте қиын. Ал бұл Max1mum-ның қолынан келді. Бұл орындаушы тек батыл «әрекеттерімен» ғана атақты болды деген қате пікір, бұл жігіттің өте дарынды ақын және МС екені даусыз. Мәтіндері өте заманауи, жеңіл әрі ұғынықты. Алайда бұл жігітте дарыннан гөрі харизмасы басымырақ... Енді Max1mum-ның өзі не дер екен? Білейік...
Қанжығасында:
«Сен бе П*дараздың баласы?» [2010]
Smitty & Maximum «East Side» [2010]
ReeGa & Maximum «Вне ротации» [2010]
Салам Макс! Қалайсың?
Уалейкумассалам! Жақсы!
Ел жалыққан сұрақ... неге атың «Max1mum»?
Қызық болсын деп... Шын атым Мақсат, сондықтан «Max1mum» ғой...
Неге «Рэп»? Рэппен айналысқаныңа қанша уақыт болды?
Бір жарым жылдай болып қалды. Ветеранмын ғой. =)
Рэп сен үшін не? Уақыт өткізу? Атақ? Немесе ақша?
Әрине атақ пен ақша!
Сен өзіңді дарындымын деп есептейсің бе?
Әрине...
«ASH ҚаZаҚ Pro» лейблінің артисті болмай тұрғанда осы лейбл жайлы ойың қандай болды?
Шынымды айтсам «ASH ҚаZаҚ Pro» жайлы керемет жақсы болған... Алғашқыда көшеде Шыңғыстың «Қазақ Рэпінің Ханы» деген плакатын көргенде жарылып күлгем! Бірақ ол кезде «ASH ҚаZаҚ Pro» лейблінің шығармашылығымен таныс болғам жоқ. Кейін Damon мен Шыңғыстың «Мақау» деген трегін естіп тұрақты тыңдарманға айналдым. Осылай...
«ASH ҚаZаҚ Pro» лейбліне қалай кірдің? Сен өзің сұхбаттарыңның бірінде «Миллион доллар» беріп кірдім деп әзілдедің... дегенменен «әр әзілде кешкене шындық бар» деп
жатады. Сонымен қанша ақша бердің?
Ол сұхбатта мен әзілдеп айтқан болатынмын, «Миллион доллар» емес мен «Миллион евро США» дегенмін, өздеріңіз білсеңіздер ондай валюта жоқ. =)
Жарайды. «ASH ҚаZаҚ Pro» лейблінің артисті болу қалай? Біздің тілде – атақты, ал сіздердің тілдеріңізде – фэймді сезінесің бе?
«ASH ҚаZаҚ Pro» лейблінің артисті болу керемет қой! Әрине сезінемін!
Неге тұңғыш тырнақалды альбомыңның атын «Сен бе Пид*раздың баласы?» деп қойдың? Әлде жәй ғана халықты шошытып оңай атақ іздедің бе?
Әрине бірінші мақсатым мыңғырған МСлердің арасынан ерекшеленгім келді. Екіншіден, Қазақстан рэпіндегі көптеген келеңсіздіктердің бетін ашу болатын. Бұл альбомым өзінің діттеген мақсаттарын орындады деп есептеймін.
Өзіңе осы «Сен бе Пид*раздың баласы?» атты альбомың ұнай ма?
Шынымды айтсам ұнамайды... Себебі бұданда жақсы жасайтынымды білемін.
«Пид*раздың баласы» әні кімге арналған? Құпия болмаса...
Қазақстан рэпіндегі қаптап жүрген «қызтеке» МСлерге... яғни фейктерге...
Жарайды. Келесі сұрақ, Смитти екеуіңнің альбомдарың «East Side» жайлы болмақ. Сендер көп әндеріңде «жерге, руға бөлінбейік» дейсіңдер. Алайда аталмыш «East Side» альбомында «найман, шығыс рэп» деп өздерің бөлінесіңдер. Бұны қалай түсіндіресің?
Бұл альбомның олай жазылу себебі сол Шығыстағы рэп жасап журген бауырларымызға рух беру, рэпті өзге тілде емес қазақ тілінде оқу керек екенін көрсету болатын. Біз руға, жерге бөлінген жақпыз, біз жәй ғана туған жеріміз бен руымызды атадық.
«East Side» альбомын жасау идеясы кімдікі? Кім бірінші ұсыныс жасады?
Негізі Смиттидікі болатын...
Осы «East Side» альбомында «100 Жол-Bars» атты трек бар. Осы трек нағыз рэперлік хит болды. Сен сол тректе «Кащейді» нақты факттармен өзіңнің дисреспектіңді көрсеттің. Енді сұрақ, сендердің осы тректеріңді плагиат деген сөздер естідім, яғни SCHOKK пен Kozz Porno-ның «100 Bars» әніне ұқсап кеткен дейді. Сенің пікірің...
Базар жоқ, ұқсап кеткенін мен өзімде білемін... Алайда мұны плагиат деу жөнсіз...
Адал жауабың үшін рахмет. Келесі сұрақ, сенің тек баттл-рэпер емес, сонымен қатар махаббат жайлы әндерді шебер орындайтыныңды білеміз. ReeGa екеуіңнің «For You» атты әндерің әрбір үшінші ұялы телефонда бар десем артық болмас. Осы тректегі куплетіңді кімге арнадың?
Сол ән жазылған кездегі жүріп жүрген қызыма арналған болатын...
Енді сенің келесі релизің «Вне Ротации» альбомына ойысайық. Неге бұл альбомның аты орысша? Неге ең болмаса «East Side» сияқты ағылшынша қоймадыңдар?
Шынымды айтсам, бұл жайлы мен ойламадым... Альбомның жартысыннан көбі орыс тілінде болғандықтан болар...
Түсінікті. Осы альбомдағы хит бұл – «Да ну их на х*й!» әні. Бейнеклипіде халықтың ыстық ілтипатына ие болып жатты. Бұл тректің «биффтік» трек екені айдан анық. Неге аттарын ашық айтпасқа?
Аттарын ашық айту үшін олар ақшаларын төлесін!
Макс, «Max1mum-ға қастандық жасапты, атып кетіпті» дегенде өсектер бар. Мұндай оқиғалар болды ма?
Жоқ, хейтерлердің өсектері ғой!
Тағы да, сенен жарты жылдай ештеңе шыққан жоқ. Ел арасында «Max1mum рэпті тастап кетті» деген сыбыстар жүр. Бұл қаншалықты рас?
Бұлда әрине өтірік сөздер. Жарты жылдай ештеңе шықпау себебі, мен жеке ресми альбом жазып жатырмын.
Жеке ресми альбом жазып жатырмын дейсің. Бұл өте керемет жаңалық! Осы альбом жайлы толығырақ айта кетсең... Ішінде қанша трек болады? Қашан шығады?
Толығырақ айтатын болсам альбом тоқсан пайызға дайын тұр. Бұл альбом менің бұрынғы релиздарымна мүлдем ұқсамайтын болады. Ішінде 18-19 ән болмақ. Алайда қашан шығатынын әлі нақты айта алмаймын...
Альбом атын қалай қоймақсың?
Әзірге «Тарихты жазған Жеңімпаз» деп отырмыз... Бірақ бұл әлі нақты емес...
Альбомда қандай стиль басым болмақ? Баттл немесе лирика?
Мен өзімді еш шектегем жоқ... барлық стилдерді қамтыдым. Лирикада, биффте, репрезентте, бәрі бар... аянбай тер төктім...
Сенен бейнеклип бола ма?
Әрине болады... Жуырда Damon, ШYNGYS үшеуміздің «Хейтер Капут!» атты менің альбомымда болатын әнімізге түсірілген бейнеклип жарық көреді. Сосын G-Force тобымен бірлсесіп жазылған «Біз келдік» әніне клип болмақ... Әзірге осы...
Альбомыңды күтеміз, өте керемет альбом болатынына сенімдімін. Тағыда қандай шығармашылық жоспарларың бар?
Жоспарлар өте көп қой. Уақыты келгенде өздеріңіз көре жатарсыздар. Біз ресми жариялаймыз, уайымдама! =)
Макс, сенің ерекше құрметтейтін тұлғаң немесе тұлғаларың кім?
«ASH ҚаZаҚ» бауырларым ғой!
Қазақстан рэперлерінен кімдерді құрметтейсің?
Бико а.к.а Домалақ!
Кейбір орындаушылар ротацияларына тонналап ақша шашып әрең атаққа жетіп жатады, ал сен еш ротациясыз үлкен танымалдылыққа ие болдың. Сәттілік құпиясымен бөлісесің бе?
Менің сәттілігімнің құпиясы дарындылығым, харизмам және батылдығым... Егер ештеңеден тайсалмай жасайтын болсаң, міндетті түрде сәттілікке жетесің. Бұл менің ұстанымым.
Сенімен фит қанша тұрады?
Куплетім 15 000 теңге.
Ақшаға фит жазғанда бірінші орында ақша ма, әлде дарын ба?
Бірінші кезекте, әрине МСлік шеберлігін көруім қажет... сол үшін әрқашан демо сұраймын.
Уақытыңды бөліп сұрақтарыма жауап бергенің үшін рахмет. Біздің порталдың оқырмандарына тілегің...
Сіздергеде көп рахмет! Ал осы порталдың оқырмандарына айтарым тек тру рэпті ғана тыңдардар, яғни «ASH ҚаZаҚ Pro-ны»!
